Leive Heimatvereeine,
Van’n 10. Oktober bit tau’n 18. Oktober 2020 is dat so wiet: Use plattdüütske Festival „PlattSatt!“ is weer togange. Dat Festival will as de lesden dreei Joahre uk de plattdüütske Sproake fiern. Un doch is aalet anners.
Wegen dat Corona-Virus köönt wi nich tosoome koamen, so as wi dat annerjoahre doan hebbt.
Un doch willt wi jau wiesen, wat Platt aalet utdrücken kann. Dat Besünnere dor an: Ih mööt jau dortau nich up’n Wech to eein Heimathuus, eeine Gaststääe of eeine Karke moaken. Wi koamet to jau na Huus hen! Nee, wi pingelt nich an jaue Dööre, weest man nich bange. Dat gaiht vandaage masse eeinfacher.
Dit Joahr wieset wi aale plattdüütske Angebote as Video in’t Internet. De Videos köönt ih up YouTube un up Facebook bekieken. Wecker kien Internet hav of leiwer bloot tolustern will, kann „PlattSatt“ uk över dat Radio belääven. De Ems-Vechte-Welle sendet an’n Samstag, denn 24. Oktober dat Beste van dat heele Festival. Dat Programm hollt masse Överraschungen parat. Vääle Vereeine, Künstlers un Aktive ut use Region bünt dorbi. Los gaiht dat mit eein Konzert van de Rockgruppe „Brungers & Band“. De Gruppe ut Ostfreisland späält ehr eeigen Leider. Sogar eein Rockmusical hebbt sei up de Bühne bröcht: „Wiet Land“. Boolde kump ehre neeie CD „Schwienpootentango“ rut. Aver uck mit ehre Cover-Songs hebbt säi Erfolg. Matthias Brungers översett mit masse Pläsier un Humor bekannte Hits in‘t Plattdüütske. So waart ut „Atemlos“ van Helene Fischer „Bottermelk mit Geschmack“ un ut „Sound of Silence“ van Simon un Garfunkel „Schnuut hollen“.
Wo wi us uk up freeit, is „Plattcast“. Dat is de eerste reein plattdütske Podcast mit drei Kerlse ut Haren, de sik wat vertellt. Eein Podcast, dat is sowat as eein Radio-Talk, bloot för dat Internet. Normal kann man Marco Stroth-Diekmann, Ralf Manning und Markus Jänen bloot tolustern, man bi „PlattSatt“ kann man sik de Kerlse uk bekieken, wo se tosome sittet un över Politik, Gesellschkup, Plattdüütsk un flüssige Lickeräien vertellt.
Besünners freeit uus, dat Hermann May un Maria Mönch-Tegeder bi de Veranstaltung „Groote Literatur op Platt“ wat ut berühmte Romane vörlääsen willt, de elkeen kennt. Laat jau överraschen, wat för Geschichten wi för jau översett hebbt.
Dat groote Finale weerd in Spahnhaanstääe fiert. De Grundschaule St. Johannes stellt tohope eein „Schulhofkonzert“ up de Beeine. Mit Musikpädagogin Marlene Bucher singt de Kinner bekannte un moderne Leider op Platt.
Dit Joahr is masse anners as de lesden Joahre. Wi wünschket jau aber, dat ih jaue Freeide an de plattdütske Sproake nich verläiset. Viellichte köönt ih ja uck in’n lüttken Kreis tohope sitten, mit de Famillie of mit Fründe, un dat Programm bekieken. Dat eerste Video gaiht an’n 10. Oktober üm Klock acht online. Bi’t tau’n 18. Oktober güv dat dann elkeen Dag eein neeiet Video up denn YouTube-Kanal van de Emsländske Landschkup. Wenn ih dann jüst kiene Tied hebbt, köönnt ih de Videos dornao uk noch finnen un bekieken. Wi freeit uus, wenn ih dorbi bünt! Dat heele Programm un noch masse mehr köönt ih unner www.emslaendische-landschaft.de finnen.
Liebe Heimatvereine,
in diesem Jahr findet das plattdeutsche Festival „PlattSatt“ im Internet und im Radio statt. Wir reagieren damit auf die Corona-Pandemie, die uns das Zusammenkommen und die persönliche Begegnung momentan erschwert. Vom 10. bis zum 18. Oktober 2020 veröffentlichen wir jeden Abend um 20:00 Uhr ein neues Video auf dem YouTube-Kanal der Emsländischen Landschaft, den Sie hier finden: https://www.youtube.com/channel/UCD_x9C-GNql_9IgYs1yldHQ. Das Programm finden Sie auf der Homepage der Emsländischen Landschaft www.emslaendische-landschaft.de sowie im Flyer, den ich Ihnen im Anhang mit der Bitte um Weiterleitung an Ihre Mitglieder sende.
Nach dem 18. Oktober sind die Videos natürlich auch noch abrufbar. Darüber hinaus sendet die Ems-Vechte-Welle alle Highlights des Festivals ab Samstagmittag, den 24. Oktober.
Dass wir uns auf den Veranstaltungen nicht persönlich begegnen können heißt nicht, dass Sie „PlattSatt“ alleine erleben müssen. Setzen Sie sich im kleinen Kreis zusammen und schauen Sie die Videos gemeinsam. Mit Ihren Familien, Freunden und Vereinskollegen klönt es sich im heimischen Wohnzimmer genauso gut “up Platt“ wie in den Heimathäusern, Theatern und Gaststätten, in denen wir uns 2021 hoffentlich wieder treffen können. Bis dahin bleiben Sie gesund und der plattdeutschen Sprache verbunden.
Munter bliewen!
Linda Wilken M.A.
Fachstelle Plattdeutsch
Emsländische Landschaft e. V.
für die Landkreise Emsland und Grafschaft Bentheim
c/o Bibliothek des Emsländischen Heimatbundes e. V.
Am Neuen Markt 1
49716 Meppen
Telefon: (05931) 4964213
Telefax: (05931) 49 64 229
