Maibohm
Jedet Joahr, taun ersten Mai,
wenn de Natur upwaokt un de Böhme bleiht,
dann trekt us dat nao buten hin
un den Maibohm kump us wer innen Sinn.
Uppen Heimathoff trefft sück dat ganze Volk,
egaol off dat warm is oder noch kolt:
Ale Vereine trefft sück unner de Linden,
üm tausammen nen mojen Maikranz tau binden.
Üm söben Uhr aobends is dat sowiet,
de Füerwehr helpt nu düchtig mit,
den groten Maiboom uptaurichten,
nu kann man üm all van wieden sichten.
De bunten Bänner weiht innen Wind,
ale Gewerke an den Boom tau finden bünt.
Dat Realschaulorchester Maileeier dortau spölt,
de Liedertaofel singt un dat Volk vergneugt mitjölt.
Nu bünt ok de Wöstkes uppen Grill all gor
un dat Beeier innen Pavillon steiht ok klor.
De Stimmung boll uppen Höhepunkt steiht,
Jeder sück öwer dat Freujaohr freit.
Dat Brot utten Steinaohmt so lecker ruk,
de Kinner vergneugt ehren eigenen Bohm schmückt.
Stockbrot backen un Hüpfburg springen,
Torwand scheiten un Miniplayback singen.
So is dat jedet Jaohr ein mojet Fest,
ale Vereine wer beteiligt west.
So schöll dat ok blieben noch lange Tied,
Hauptsache jeder maokt up sine Aort gerne mit!
Angela Klaßen, April 2018
