Mit den HBV van Askendörp up Tour,
normoalerwiese Spaß un Vergnögen pur.
Jedes Joahr taun Ende August,
geiht dat up Tour, totoal ohne Frust.
So was dat ok düt Joahr, klor no Programm,
ollet Handwerk, schnittige Autos, Altstadt, alles kam dran.
Ulli passt up, dat wi ok wat leert,
he us ne geschichtliche Vorlesung kostenlos beschert.
Wenn Annelen üm ok gern bremsen will,
Ulli brengt in Ruhe tau Ende dat Spill.
Informiert us öwert Krüs un Heinrichs Löwen,
wi könt üm ruhig ale Geschichten glöben.
He haev dat alles gründlich utspekuliert,
vörher lange int Internet rümspioniert.
Den Rest haebt de organisierten Führungen bidroagen,
so haebt wi masse leert, könt us nich bekloagen.
Dat Hotel „Brackstedter Mühle“ was wunnerbor,
feine Zimmer, lecker Frühstück, alles kloar.
Birgit us sicher hichauffiert,
us gerne Koffie un Wöstkes serviert.
Man as se wull den Herd andreihn,
füngen de Dröhte an tau gleihen.
Un as wi menen, los geiht dat futt,
hedde dat: “De Bus is kaputt!“
Van Stunne tau Stunne wi sehnsüchtig wachtet,
alles geduldig no‘n Ersatzbus trachtet.
Jeder wörde nu langsam doch nervös,
endlich „Ullis Reisen“ us gnädig erlöst.
Brengt us no Hus hin, alles is gaut,
bloß schoade üm de Wöstkes, de bünt nu versaut.
Tauken Joahr föhr wi gerne wer los,
aber mit Camping-Kocher, dat glöbe getrost!
Angela Klaßen
